禾柏圖（Cristian Volpato）爭取到入球，佢對上一個意甲入波，已經數到去2024年2月，賽後都當選比賽嘅最佳球員。貝拿迪受傷、賓拿蒙迪傷出、加上勞連安迪（Armand Lauriente）被換走，最後30分鐘薩斯索羅首選嘅三位進攻球員，全部都不在陣中，但球隊仍然可以增添一個入球。禾柏圖喺右手邊嘅側擊係做得唔錯，有控球、射門同突破。備受關注嘅波斯尼亞中堅梅夏林莫域（Veldin Muharemovic）搵到個人第一個意甲入波，佢製空權唔錯，遠射亦都有水準。費倫天拿由中後場組織過渡去前半場係顯得非常困難，到尾段古蒙遜墮後組織情況稍為好少少，但球隊主要都係靠兩邊側擊傳中製造威脅；迪基亞今場有點失準。今年四月，十字韌帶受傷嘅前鋒古亞美（Christian Kouamé）事隔八個月之後復出，後備上陣踢咗6分鐘左右。近期狀況麻麻地嘅卡路士奧古斯圖有入波；路爾斯軒歷基有助攻，睇嚟呢兩個球員作出貢獻隊友係特別替佢哋高興。查漢奴古遠射入波精彩；馬古斯杜林復出之後第一次聯賽入波。國際係今屆聯賽頭15分鐘入波最多嘅球隊，有合共入咗6粒。球隊嘅前場壓迫唔錯，中前場嘅組織亦都流暢。摩拉達都幾黑仔，今屆聯賽未入過波，呢場比賽又受傷；謝薩斯洛迪古斯係科莫突破做得最好嘅一位。維羅納喜迎賽季首勝，喺主場嘅局面處於劣勢情況下，把握住反擊機會提高效率係佢哋今仗獲勝關鍵。亞特蘭大輸到第四場，而佢哋今季目前為止作客嘅成績只係排二十隊裡面嘅十二位，當然主場似乎亦非盡人意…意甲第14週賽事賽果-薩斯索羅 3-1 費倫天拿國際米蘭4-0 科莫維羅納3-1 亞特蘭大基蒙尼斯🆚萊切（稍後時間進行）卡利亞里🆚羅馬拉素🆚博洛尼亞拿坡里🆚祖雲達斯比薩🆚帕爾瑪烏甸尼斯🆚熱拿亞拖連奴🆚AC米蘭 🇮🇹
