沙里大戰艾歷尼，場波嘅教練對碰都幾吸引，至於陣容安排上，都可以睇得出雙方嘅重視程度。AC米蘭收起唔少主力球員，呢個可能都影響到球隊嘅發揮，尤其係防守端，上半場有唔少甩漏，所幸未有造成失波。換邊之後情況有唔少改善，值得珍視嘅係今季由白禮頓來投嘅厄瓜多爾左閘艾斯杜賓蘭（Pervis Estupinan）喺左路嘅上落同竄擾性，對拉素嘅禁區造成相當大嘅威脅，不過攻擊線上嘅球員唔爭氣，只有兩次埋門中目標（全場），係落敗嘅一個重要因素。後段相繼換入普列錫、摩特歷以及尼坤古都無補於事。拉素喺進攻效率上明顯好過對手，薩卡尼80分鐘嘅「獅子搖頭」勁度十足，角度都好靚，幫助球隊晉級八強，算係報番週末聯賽輸波嘅一戰之仇。球隊整體嘅專注力、投入度都好高，三線距離保持得唔錯，贏波合情合理。另一邊廂，博洛尼亞贏帕爾瑪嘅場上優勢都頗大，控球百分比去到72%vs. 28%。領隊伊泰利安奴好鍾意喺希瑾（Torbjörn Heggem）、盧坤美（Jhon Lucumi）以及卡沙利（Nicolo Casale）之間輪換同選擇，但近三場賽事係出來嘅效果都不盡如人意。貝拿迪斯基獲得主力上陣機會，表現中規中矩；另一位前意大利國家隊舊將恩莫比利就獲得今季第二次代替球隊上陣嘅機會，加埋之前聯賽嘅上陣時間一共踢咗40分鐘。意大利盃第三圈賽事賽果-祖雲達斯2-0 烏甸尼斯亞特蘭大4-0 熱拿亞拿坡里1-1（pk：9-8）卡利亞里國際米蘭5-1 威尼斯博洛尼亞2-1 帕爾瑪拉素1-0 AC米蘭羅馬🆚拖連奴（稍後時間進行）費倫天拿🆚科莫 🇮🇹🏆
