雙方整體都唔算太fit，客隊阿仙奴最活躍嘅係今場未有擔任隊長嘅迪勤萊斯，活動面積之大冠絕全隊。守門員拉耶上半場差點釀成大錯，幸好自己能夠封堵番對方極具威脅嘅埋門。
賓福特今場賽事嘅右路頗具威脅，奧亞達拿（Dango Ouattara）同基約迪（Michael Kayode）各自有一次黃金機會；至於李維士樸達（Keane Lewis-Potter）就成功把握住奧迪加特嘅防守甩漏追和比數。賓福特今季13個主場取得7勝4和2敗，成績僅次於辛德蘭暫列第6。
阿仙奴贏唔到，加上曼城大勝富咸，領先優勢得番4分。
諾定咸森林全場35腳攻門，但最終只可以摸和狼隊，成為領隊戴治被炒嘅引爆點。但眾觀近三位領隊嘅表現（紐奴+樸斯迪古路），佢嘅勝率反而係最高嘅一位。
白禮頓作客不敵維拉，但係詹士米拿就踏入新嘅里程碑- 21分鐘入替巴列巴（Carlos Baleba）令佢喺英超上陣紀錄去到653場，與前維拉、曼城、西布朗名宿加利夫巴里（Gareth Barry）並列成為最多次數嘅球員。
利物浦方面，雖然打破咗辛德蘭今季主場不敗嘅紀錄，但係呢一勝可以話賠了夫人又折兵！日本中後場球員遠藤 航68分鐘重傷離場，賽後被診斷最少傷停數月，基本確認缺席餘下所有賽事以及來緊嘅世界盃決賽週。
英超第26週賽事賽果-托定咸熱刺1-2 紐卡素愛華頓1-2 般尼茅夫車路士2-2 列斯聯韋斯咸1-1 曼聯諾定咸森林0-0 狼隊水晶宮2-3 般尼阿士東維拉1-0 白禮頓曼城3-0 富咸辛德蘭0-1 利物浦賓福特1-1 阿仙奴
epl 🏴
