科莫40年來第一次晉身意大利盃四強！今場嘅陣式同理念同之前對拉素差唔多，都係踢無鋒陣，中場甚至二閘輪流推上去最前，亦都有好多球員之間嘅位置互換，上半場嘅效果係唔錯。
費比加斯賽後解釋佢係因應對手嘅特性作出呢個安排，並且隊中只有一位中鋒可供調動。而互射十二碼時，科莫守門員畢迪斯（Jean Butez）救出洛博卡嘅操刀成為英雄，近期有報導分析佢係法國國家隊世界盃名單嘅黑馬。
拿坡里出局，不過今場都算係近期少有一場可以有較大調動空間嘅比賽。維加拿再次入波，兩個禮拜內喺歐聯、聯賽同意大利盃取得入波。
賽後科莫體育總監盧迪表示，佢哋對上兩季都想引入維加拿，並且留意呢位球員好長時間，但拿坡里拒絕放人。
另一邊廂，博洛尼亞法定時間90分鐘都係同拉素賽和1-1，結果十二碼博洛尼亞三輪只有達寧加射入，李維士費格遜同柯蘇連尼都宴客，主隊輸1-4（總比數2-5）出局。
四強對陣-Leg 1（3月5號）科莫🆚國際米蘭拉素🆚亞特蘭大Leg 2（4月23號）國際米蘭🆚科莫亞特蘭大🆚拉素
Coppa Italia 🇮🇹🏆
