【明報即時】唐詩詠親切嗌「天樂」互動爆笑 古仔當宣萱「一個物體」 唐詩詠在節目內以「天樂」稱呼古仔。（絲打圍爐YouTube截圖）
古天樂（古仔）繼續為電影《尋秦記》宣傳，日前古仔亮相由唐詩詠和練美娟（娟姐）主持的網台節目《絲打圍爐》訪問。詩詠以「天樂」稱呼古仔，娟姐聞言說：「係得你咁嗌，我未聽過有人咁叫佢。」唐詩詠表示：「我諗住親切啲，你（古仔）覺得好唔好。」古仔說：「好呀﹗正姐﹗」
詩詠憶述首次跟古仔拍戲時，她緊張得直頭想喊，要打電話給陳國邦「求救」，被古仔取笑Silly﹗詩詠接着和古仔玩「二選一即刻答」遊戲，古仔表示會好好管理自己身體，他表示甜食對身體不好兼易有炎症，但不會夾硬不吃甜食，反而會好好管理。他說：「有日有人同我講，你連自己都管理唔好，點管理自己嘅人生？即係點管理自己間公司？管理係一件事，戒係一件事。好似賭博、吸毒，嗰啲叫戒；甜嘢，我叫管理。」
另外，娟姐追問唐詩詠感情狀况：「你最近有Dating咩？」唐詩詠指有Dating便會化妝，古仔聞言即護花，對娟姐說：「你口下留情喎，即係今日攻擊對象係唐詩詠？」古仔突然捉住詩詠隻手問：「你𠵱家有冇 Dating對象呀？」唐詩詠答他說：「你有冇介紹？」
《尋秦記》中項少龍有3位紅顏知己，代表不同性格，包括溫柔、風趣及懂得保護另一半，古仔未有一個肯定答案，覺得人會隨不同經歷、年紀及相處，已會有所改變。古仔覺得愛笑和有幽默感女生特別吸引，好似吳君如，至於宣萱，古仔讚對方是開心果，他說：「佢喺我心目中係一個，我哋兩個相處最好地方，我唔覺得佢係女性，佢唔覺得我係男性，喺我兩個人眼中，只係一個物體，明白啲呀﹗我哋冇分太多嘢，我入行第2部電視劇已經同佢拍（餐餐有宋家）。」
（即時娛樂）
