【On.cc】周嘉洛爆陳瀅大把人追 直認識得對方新緋聞男友
無綫處境劇《愛．回家之開心速遞》今日（7日）在尖沙咀舉行「家肥屋潤迎新春」活動，劇中30多位演員劉丹、滕麗名、呂慧儀、周嘉洛等出席，眾人大玩遊戲，之後又到各地進行快閃活動，大派劇集限量版利是封，現場氣氛熱烈。
周嘉洛受訪時表示未知新年需不需要工作，但將會在年廿八收爐，與家人度過新年，又笑言希望可以去汪明荃家中拜年，亦都會相約朋友見面，包括緋聞女友陳瀅，問到他早前訪問是否暗指兩人分手，他說：「從來都冇嘢。（你唔係上佢屋企過夜咩？）冇過夜冇同居，每次上去都一班friend，一向係好朋友。（有冇關心上次同佢睇show個個男仔？）大家都係朋友，但唔知朋友嘅私生活。（個男仔係咪追陳瀅？）陳瀅大把人追。（包括你？）唔包括，所以冇分手呢件事，友情無變。」他又指新年願望是希望身體健康、開開心心。
周嘉洛指與陳瀅友情不變。
大爆對方多人追。
滕麗名與呂慧儀一同受訪，呂慧儀透露將於情人節拍攝完《愛．回家》後收爐，新年期間會大掃除，亦希望可以搶到高鐵票回鄉下，探望90多歲的嫲嫲，若然搶不到就留在香港休息，與仔仔打機，提到仔仔生肖是馬，問到今年會否特別度過？她就指：「冇話點特別，反而特別係9到10歲，我同佢講你已經係一個大人，所以畀多啲責任佢，例如執屋大掃除叫佢做多啲。（仔仔識到女仔未？）佢依家都係鍾意同男仔玩，我希望佢可以識到一個比較文靜、讀書又叻嘅女仔，同化吓佢。」
至於滕麗名就透露情人節請了假，陪老公飛去外地旅遊補數，因為難得今年有連續多日假期，加上之前忙於宣傳陪不到他，不過飛前飛後仍會繼續出席《尋秦記》宣傳，又指本月10日舉行慶功宴，問到她在加長版中的戲份，她笑言十分神秘，自己都不知道，因為自己配音時多是氣聲詞，又表示想聽古天樂唱歌，笑言若然慶功宴上，古老闆開金口自己一定奉陪。
呂慧儀與滕麗名新年都分別準備好節目。
呂慧儀希望返鄉下探親。
滕麗名笑言若古天樂開金口，她一定奉陪合唱。
