維加拿（Antonio Vergara）四日裏面第一次歐聯入波、第一次意甲入波，今場賽後當選最佳球員。
米基爾古泰利斯（Miguel Gutiérrez）今場取得佢個人第一個意甲嘅波，賽後表示自己右邊、左邊都可以踢。迪羅蘭素受傷，令到拿坡里加速搵右後衛嘅進度，對象包括卡利亞里薩帕，博洛尼亞賀姆、熱拿亞嘅洛頓古菲，同講咗有半年嘅西維爾球員桑奴山齊士。
費倫天拿用比斯安連尼、法比安踢正選中場中，但對中場嘅對抗性冇乜嘢幫助。下半場換入文達哥拿，並且將高文臣移入中間，控球能力就有所提升。摩西堅恩入替增加咗進攻嘅深度；蘇洛文加盟之後第一次喺意甲入波。
科莫同亞特蘭大嘅賽事，就好似係西班牙人進攻，意大利人防守。當然都係西班牙教練費比加斯同意大利教練柏拿甸奴嘅較量，亞特蘭大六分鐘踢少一個，結果堅守到尾。
最後時刻尼高柏斯有十二碼，結果被卡尼錫基救出，個人喺意甲三次射十二碼全部射失 （包括呢場，今季對拉素同上季對萊切。啱啱傷愈嘅摩拉達後備入替，踢咗半個鐘頭，但只有一次埋門。西班牙後衛拉蒙表現出色，引球推進同喺死球攻門嘅能力都唔錯，亦都係科莫今場最多埋門嘅一位，有六次機會。
亞特蘭大可以差唔多成場踢少一個，都保持不失，球員嘅紀律性同執行戰術做得好好，加上有好好嘅拼勁同頑強嘅鬥志，佢哋下半場有段時間亦都好清晰利用到邊路嘅速度同空間。特別讚賞中場艾達臣，佢防守嘅硬淨同大範圍嘅跑動對球隊好重要。正當好多球員攞咗黃牌之後都被換走，廸隆就喺44分鐘攞咗牌之後，仍然踢到尾。卡尼錫基幾次撲救都好精彩同埋勇敢，當然包括救出十二碼。
國際米蘭今季聯賽第七次作客保持不失球，相對輕鬆擊敗基蒙尼斯。
基蒙尼斯守門員歐迪路下半場早段被作客嘅國際米蘭球迷掉落來嘅煙炮所傷，幸好並無大礙，可以繼續比賽。球隊自從12月7號之後未喺聯賽贏過波，更加已經421分鐘冇入球，新加盟嘅波斯尼亞高大中鋒祖歷後備入替，為球隊嘅進攻增添瓣數，應該會受到一定程度嘅重用。國際米蘭今場有達美安後備登場復出，係自從九月尾之後再次為球隊上陣。廸馬高今季聯賽有五個入波同十個助攻。蘇錫、法堤斯同施連斯基組成新嘅中場中組合，效果都可以。
意甲第23週賽事賽果-拉素3-2 熱拿亞比薩1-3 薩斯索羅拿坡里2-1 費倫天拿卡利亞里4-0 維羅納拖連奴1-0 萊切科莫0-0 亞特蘭大基蒙尼斯0-2 國際米蘭帕爾瑪1-4 祖雲達斯烏甸尼斯🆚羅馬（稍後時間進行）博洛尼亞🆚AC米蘭
serie a 🇮🇹
