平治領隊對地面效應時代結束感到高興平治領隊禾夫認為，佢哋喺阿布扎比站嘅「平庸」表現總結咗車隊喺地面效應時代嘅困境。平治喺2014至2021年連續奪得車隊世界冠軍，但喺2022年進入地面效應規則後，未能延續過去嘅王朝，只能偶然挑戰分站冠軍，完全無法加入世界冠軍爭奪戰。啱過去嘅阿布扎比站係現行技術規則嘅最後一場比賽，羅素和安東利尼分別以第5和第15名完賽，平治亦取得咗車隊年度亞軍。禾夫喺賽後表示，車隊以年度亞軍完成賽季，呢一表現值得肯定，但不滿意今場比賽嘅平庸成績。禾夫認為此等表現亦反映咗車隊仍未能全面了解當代賽車，導致喺唔同賽站嘅表現各異，佢以賽季嘅最後兩場比賽為例，指出卡塔爾站嘅成績唔錯，但到咗阿布扎比，賽車嘅右前輪嘅性能喺正賽期間嚴重下滑，喺部分彎道尤為掙扎。禾夫亦相信，車隊眾人都對地面效應時代結束感到高興，並期待邁入新時代。消息來源- beIN F1------------------------------------------------
