柏利斯查（Marco Palestra）今場盤扭、突破都好出色；加坦奴（Gianluca Gaetano）最後一箭定江山；科羅倫素（Michael Folorunsho）嘅奔跑能力亦都有好大嘅貢獻，三位意大利球員成為卡利亞里贏波重要功臣。卡利亞里喺比薩簡尼帶領下，球員可塑性、同戰術靈活性都提高咗，薩柏（Gabriele Zappa）、廸奧拿（Alessandro Deiola）近期位置上都有轉變，而且效果都可以。羅馬今場後防犯錯多咗，集中力差少少，尾段要換左翼衛，感覺用艾沙羅爾可能更穩妥。羅馬雙雄嘅另一邊，喺拉素對博洛尼亞嘅比賽之前，有特別紀念米赫洛域嘅儀式，佢嘅家屬都有親臨現場。呢位前南斯拉夫名將曾經效力過拉素，亦都執教過博洛尼亞，喺2022年嘅12月16號因癌症不幸離世。博洛尼亞防線唔集中，喺早段就差點釀成大錯。而佢哋避得過初一避唔到十五，伊薩臣嘅補射令佢哋喺38分鐘落後。博洛尼亞除咗追和，能夠全身而退都要感謝守門員拿華基利亞（Federico Ravaglia），全場作出8次成功封堵嘅佢幾乎以一人之力協助球隊作客攞番一分。日前針對意大利國家隊嘅情況，喺記者採訪中前森多利亞及羅馬射手「飛機仔」蒙迪拿（Vincenzo Montella）就盛讚過祖雲達斯嘅核心耶迪斯（Kenan Yildiz），而呢位兼任土耳其國家隊嘅主力亦不負眾望，喺下半場一度為球隊追和比數。奈何拿坡里嘅大衛尼利斯同凱倫近期狀態hot爆，尤其係後者今仗更梅開二度，取勝之外更延續咗主場不敗紀錄到17場！意甲第14週賽事賽果-薩斯索羅3-1 費倫天拿國際米蘭4-0 科莫維羅納3-1 亞特蘭大基蒙尼斯2-0 萊切卡利亞里1-0 羅馬拉素1-1 博洛尼亞拿坡里2-1 祖雲達斯比薩🆚帕爾瑪（稍後時間進行）烏甸尼斯🆚熱拿亞拖連奴🆚AC米蘭 🇮🇹
