皇家馬德里大戰曼城，如直播期間評述所講，呢場會係沙比艾朗素嘅救贖一戰。艾華路卡雷拉斯（Álvaro Fernández Carreras）係陣中表現最好嘅一位，喺防守端到反擊突破，喺左路為皇馬帶來極大嘅威脅；洛迪高今屆歐聯4次上陣，終於迎來第一批入波，不過最後都係擰唔到三分；比寧咸都係唔fit。夏蘭特喺歐聯上陣55場攻入55球，想打破呢個紀錄恐怕只有佢自己。值得關注嘅係，輸咗呢場之後，沙比艾朗素嘅命運會點…維拉利爾最近連贏六場聯賽，喺五大聯賽都係絕無僅有（巴塞隆拿都係），但係歐洲賽就六場都冇贏過只得1分。哥本哈根重燃踢附加賽嘅希望，今屆聯賽未入過波嘅哥尼魯斯（Andreas Cornelius）建下奇功。維拉利爾除咗中場柏比古爾耶（Pape Gueye）同左後衛柏達沙（Alfonso Pedraza）之外，其餘球員嘅表現、投入感都只屬一般。哥本哈根調返轉，唔好講話爭取聯賽冠軍，第二階段有冇得踢爭標組，都好難講，但係今場戰意鮮明，用波組織都幾清晰。鈴木 淳之介嚟到哥本哈根多數踢右後衛，呢場踢番佢喺日本聯賽踢開嘅中堅位置，發揮都唔錯，型格同定位有啲似冨安健洋。中場中嘅基姆（William Clem） 同伊美麥臣（Mads Emil Madsen）攻守平衡都算處理得幾好，艾利安奴斯同樣值得讚賞。基馬度右腳入波，協助利華古遜迫和紐卡素，佢今屆已經入咗9球（包括德甲4球、德盃2球、歐聯3球）。球隊冇咗韋斯、沙卡、費寧邦同莊拿芬泰希四大主力之下，成績仍然有交代，佢都算居功至偉。本週歐聯，四隊德甲球會取得一勝兩和一負，成績不過不失。另外要祝賀一下賓菲加領隊摩連奴，執教歐聯賽事場次紀錄去到150場！👏歐洲聯賽冠軍盃第6比賽日賽事賽果（Day 2）-維拉利爾2-3 哥本哈根卡拉巴赫2-4 阿積士祖雲達斯2-0 柏科斯多蒙特2-2 博杜基林特皇家馬德里1-2 曼城布魯日0-3 阿仙奴賓菲加2-0 拿坡里利華古遜2-2 紐卡素畢爾包體育會0-0 曼城
