意甲傳奇球星- 巴迪斯圖達：唔再享受「為哥迪奧拿 帶來勝利嘅足球」阿根廷傳奇前鋒巴迪斯圖達（Gabriel Omar Batistuta）近日接受阿根廷《TyC Sports》訪問時坦言，自己如今已唔再享受觀看現代足球比賽，並指出好似佢或維阿里（Christian Vieri）咁樣嘅中鋒已不復存在。呢位曾效力費倫天拿、羅馬同國際米蘭嘅前鋒表示：「足球正喺度演變，好似巴迪斯圖達或維阿里咁樣嘅9 號球員已經唔存在嘞。」「果d會一直喺禁區內伺機埋伏，以各種方式主宰禁區嘅前鋒，靠著喺禁區內嘅每一寸空間證明自己配得上果件薄衫嘅球員。而家嘅情況唔同曬，前鋒到處跑動，活動範圍好大。呢個就係現代足球。不過，令我感到厭倦嘅並唔係呢一點，而係其他原因。」「戰神」接著講到：「今日我還同米路天奴域（Bora Milutinović） 傾到呢個話題。」巴迪斯圖達：每支球隊嘅踢法都一樣「而家每支球隊嘅踢法都差唔多：從龍門開始組織進攻，喺禁區附近傳個二十腳，對手高位逼搶，然後某個時刻先將個波向前移，其實早就可以咁做嘞。咁樣嘅踢法會令前鋒遠離咗禁區嘅危險地帶。」「但呢個就係現代足球，一種曾為哥迪奧拿帶來勝利嘅足球。既然我哋係人類，自然會想模仿成功嘅公式，而呢個似乎就係能贏波嘅方法。但我並唔太認同呢種風格。」巴迪斯圖達曾於2000/01 賽季隨羅馬奪得意甲冠軍，並代表阿根廷國家隊參加過 1994、1998 同2002 世界盃，喺12 場比賽中攻入 10 球。佢亦曾於 1995/96 賽季隨費倫天拿奪得意大利盃，並贏得兩座意大利超級盃（分別代表費倫天拿同羅馬） 。呢位前鋒係阿根廷國家隊史上第二高產射手，78 場比賽攻入 54 球，僅次於美斯（Lionel Messi）嘅196 場 115 球。佢於2005 年掛靴，職業生涯最後兩季效力於中東球會艾阿拉比（Al-Arabi）。ChristianVieri
