黄庭锋同郭柏妍复刻得得地常在心借钱桥段：可以还原到神剧好犀利 | 香港01
TVB剧集《麻雀乐团》昨日（12日）举办花车巡游宣传活动，剧中一班演员都有出席，近日剧情讲到郭柏妍因跌烂了其大提琴，要努力赚钱维修，而黄庭锋深知维修费高昂，故出钱帮郭柏妍。
郭柏妍写了借据予黄庭锋，并说：“甲方沉家明向乙方程朗借款四万港元维修大提琴，并承诺于一年后连同五厘利息归还给乙方，期间，乙方可以差遣甲方做任何事，只要对方力所能及，必定尽心完成，立此为据。”不少网民指这桥段复刻当年的《溏心风暴》得得地（陈豪饰）无条件借钱帮忙常在心（钟嘉欣饰）。
黄庭锋及郭柏妍接受《香港01》访问时表示拍的时候其实完全没想过，黄庭锋：“其实係当我同Rosita post咗相之后，发觉好多网民就讲返嗰个片段。”郭柏妍则指他们没特别去复刻：“呢个idea係庭锋话不如post出嚟，我已经唔记得影咗张咁嘅相，估唔到个反应係咁好。”二人指收到剧本时，没有参考过《溏心风暴》才拍摄。
虽然网民表示这段很像《溏心风暴》，但二人会否觉得也很像时，黄庭锋觉得有一点像：“你话桥段上面可能都係类似係咁嘅关係，但係大家sell嘅嘢唔同，譬如我哋係大提琴啦音乐啦。但係我觉得可以还原到一个咁样嘅神剧，经典剧我觉得係好犀利！”他更大讚网民发现这两个桥段相似度很棒。
早前黄庭锋曾提及郭柏妍的“魔音”，她被问到会否觉得为何又要提到“魔音”时，她笑指自己已经很努力练歌：“我真係努力中嘅！”
黄庭锋则解释：“其实所谓嘅魔音，都係大家即係攞个噱头，我相信Rosita係进步咗好多。同埋我觉得佢得意嘅地方，就係魔音。”郭柏妍为了之后的Busking很认真的练歌：“希望我改善咗啦，我会好努力去唱嘅。（有去学唱歌嘅？）有去学嘅，但係就努力中，因为而家现阶段都学紧好多唔同嘅嘢。”
被问到现今市道低迷，对二人的工作上有没有影响，黄庭锋就觉得对整体的艺人都有一定的影响：“因为确实production少咗，咁大家可能冇以前嘅工作机会咁多啦，咁但係而家嚟紧都会有啲剧出，有啲剧会开啦，有啲剧嘅宣传，咁我觉得呢全部都係工作一part。”而二人亦即将会分别加入剧组继续拍摄的工作。
