明报：高钧贤跟继子女相处似朋友：等佢哋大个叫我爸爸会好高兴
2005年香港先生冠军入行的高钧贤(Matthew)，10年前约满TVB北上发展，在内地发展有声有色，三年前返港再接拍TVB剧集受重用，他的演技亦受讚赏。近日热播的《刑侦12》，高钧贤演不可一世、机心重又弄权的警司张满光，同样受注目。
他接受商业一台《星光背后》主持梁泰来访问，节目中他除了披露与林保怡合作的点滴以及回顾入行20周年的起跌外，也披露今年双喜临门，与爱妻Christine闪婚生女“一击即中”的经过。
他说:“由拍拖到计划结婚到生BB，係一年左右。”公布婚讯后，太太被爆有过一段婚姻及一对仔女，高钧贤直认认识太太时已知，更坦言当后父无困难，“当佢哋係朋友，都係叫佢哋叫返我Matthew！”
高钧贤去年12月初突然在网上发布多张婚照及孕照，自爆与年轻10年的圈外女友双喜临门。他们早已在加拿大注册结婚，并预告今年1月将首当爸爸。之前高钧贤甚少提及与太太的认识，原来早于疫情前，二人因工作认识，“三、四年前我哋只係朋友，因为佢公司有部份生意係护髮，佢搵我帮手拍片。当时只係朋友约食饭，知道佢细我10年同有小朋友。最初觉得佢好识关心人，又叻又靓又勇敢追梦同识养生。”
他指当年未试过追求离过婚及有小孩的女性，所以未有进一步发展。及至疫情后到内地工作重遇，才发觉太太很适合自己，“各有各生活几年，我亦经历过感情上嘅错摸，先发觉呢啲(结过婚及有小朋友)根本唔係问题，最紧要大家夹，同理解明白我。”
高钧贤跟太太闪婚，“我哋好犀利，无嘥过任何时间。由拍拖到计划结婚同生BB，係一年左右。”又说：“我哋plan就一击即中，因为佢公司做产前产后养生呢行，知点调埋身体。到我5月生日，佢就plan个 trip去马尔代夫，我哋去马尔代夫就係计划去做呢件事。真係好顺利，一个月后就知。当时係觉得开心同几劲，係一击即中！”至于高钧贤宣布双喜临门不久，就有酸民爆爱妻是富家女及有过一段婚姻的背景，问圈外人太太有没有受打击，他说：“毕竟佢唔係圈中人，亦係后生女。所以公布嗰阵，话一定要讲清楚细过我10年，其他都唔太理。当然佢有唔开心，我亦有心痛，所以第一时间企出嚟讲番件事，好过太多猜测。”
谈及4个月大的女儿高子琳，首当爸爸的高钧贤说不停兼笑不拢嘴，至于问及跟太太一对仔女相处及做后父有没有难度？他说：“由头到尾我唔觉得难，因为我加拿大长大，有几个好朋友，佢哋一到weekend就要去stepfather屋企，我反而觉得过程中难嘅係小朋友一方心理调节。我认为大人嘅角色就係要做朋友，我都係叫佢哋叫返我Matthew。同外国人一样，唔需要迫佢哋叫我爹哋。因为佢哋知道自己爹哋係边个，佢哋长大后就会有自己方法处理。”
他的女儿出世后，对于太太的一对仔女会否担心偏心的问题，高钧贤笑说：“大仔比较懂事，而妹妹始终係女仔，会敏感啲。佢依家成日问妈咪，几时帮她改姓高。佢会谂好多嘢，想同我个囡囡高子琳close啲，呢啲我完全都唔会夹硬迫。总之我会负责令大家一齐开心，或者到佢哋大个叫我爸爸，我当然会好高兴。”
