卡華特利雲再有士哥，以目前嘅勢頭好大機會成就佢英超履歷入球數字最好嘅一季。列斯聯今仗贏波，計埋韋斯咸攞曬三分都高出安全線6分，護級情況暫時都幾樂觀。
曼聯喜提4連勝，開心嘅唔但只係球迷，還有「座上客」嘅費Sir同「剪髮佬」。球會近兩年來首次獲得4連勝，打破近8次對陣熱刺不勝嘅紀錄，而麥保姆10次面對呢家倫敦球會入咗6波，所有數據都向住一個唔錯嘅方向發展。
阿仙奴一月之星基約卡利斯再有入波，今季8個聯賽入波，6球喺升班馬身上取得；蘇比文迪入波，用慶祝方式向美連奴致意。最近賓福特都幾神奇，上個禮拜大部份時間打少個贏維拉，今個禮拜擊敗紐卡素，奧亞達拿（Dango Ouattara）今場一個入波一個助攻。紐卡素正經歷一段好艱難嘅日子，博文（Sven Botman）第100場為球隊上陣，取得入波。
重磅大戲，衛冕嘅利物浦遭到曼城球季雙殺。喺索保斯拿爾下半場罰球先開紀錄嘅情況下被對手連入兩波反吸，終場前呢位「單天至尊寶」更因拉住夏蘭特紅牌被逐。今季輸到第8場，爭標基本宣告無望。
英超第25週賽事賽果-列斯聯3-1 諾定咸森林曼聯2-0 托定咸熱刺狼隊1-3 車路士阿仙奴3-0 辛德蘭富咸1-2 愛華頓般尼0-2 韋斯咸般尼茅夫1-1 阿士東維拉紐卡素2-3 賓福特白禮頓0-1 水晶宮利物浦1-2 曼城
EPL 🏴
