賽果幾令人意外，坐鎮新百倫球場嘅亞特蘭大唔但只擊敗祖雲達斯，而且贈與對手三隻光蛋！祖雲達斯嘅表現唔差，長距離傳球以及手榴彈戰術都極具穿透性，「真·藍黑」唔失波都有點運仔，而且運氣行到腳趾尾果隻。今場比較災難性嘅比瑪（Gleison Bremer），三個失球都同佢有關，首先係艾達臣嘅傳中省中佢被罰極刑，繼而比蘭路華（Raoul Bellanova）助攻蘇利文拿（Kamaldeen Sulemana）以及卡斯杜域傳中助攻柏薩歷嘅入波都係同佢甩漏有關。加上亞特蘭大緊張入球轉化率出奇地高，4次埋門全部中龍入3波，贏波晉級自然水到渠成。
史巴列堤完場後面色都幾難睇，今仗調兵遣將方面嘅效果又確實不如柏拉甸奴。
Coppa Italia 🇮🇹🏆
