【On.cc】劉穎鏇吳偉豪鬼仔鬼妹唔識部首　朱敏瀚爆笑教學：BforBoy個

【On.cc】劉穎鏇吳偉豪鬼仔鬼妹唔識部首　朱敏瀚爆笑教學：B for Boy個B呀！

無綫節目《攻你上大學》新學期將於今晚（2日）播出，嘉賓有劇集《飛常日誌II》演員包括洪永城、劉穎鏇、周嘉洛、朱敏瀚、郭柏妍、吳偉豪、戴祖儀、倪樂琳、梁凱晴、張馳豪。今集嘉賓學歷含金量極高，畢業於英國薩里大學酒店管理學的梁凱晴，擁有亞利桑那州立大學工商管理系學士學位的劉穎鏇（Tiffany），最強學歷則要數張馳豪（Aska）莫屬，手持美國邁阿密大學運動生理學學士及體適能碩士學位，Aska被問到擅長題目時，竟然語出驚人表示：「屍體都Ok嘅！」

劉穎鏇擁有亞利桑那州立大學工商管理系學士學位。

梁凱晴畢業於英國薩里大學酒店管理學。

張馳豪手持美國邁阿密大學運動生理學學士及體適能碩士學位。

一班鬼仔、鬼妹嘉賓遇上中文題即出事。

Tiffany當場黑人問號，問部首係咩。

吳偉豪亦表示唔知部首。

朱敏瀚笑指係TVB學到不少。

一班嘉賓雖然學歷相當高，但一班鬼仔、鬼妹嘉賓遇上中文題就立即出事，面對題目問到「《飛常日誌II》個「飛」字係咩部首」時，Tiffany與吳偉豪（Ricco）當場黑人問號表示：「咩叫做部首呀？」、「我唔知咩係部首？」朱敏瀚則爆笑教學：「姐係B for Boy個B呀！」而中學畢業後即加入TVB的朱敏瀚則笑言：「喺TVB學到好多嘢！」去到科學題環節，周嘉洛、朱仔討論得勁入迷，但最後竟然由一位女同學憑超強邏輯成功用「排除法」跑出答啱，成功揮低一眾學霸對手。