【On.cc】陳自瑤孖黃翠如出Trip Hotel廁所藏生日驚喜
藝人陳自瑤（YoYo）與姊妹黃翠如向來感情深厚，並一同曾為無綫原創節目《世界養生組織》任主持，大談養生之道。而不時透過社交網分享生活點滴嘅二人，日前亦晒出一輯出席廣告代言嘅性感靚相，只見同樣着上銀白套裝嘅二人各展魅力，只見YoYo身穿一字肩收腰連身長裙，大騷香肩鎖骨及白滑美背外，裙擺嘅高衩設計亦大晒修長美腿；至於黃翠如雖然相對着得保守，但修身設計嘅連身短裙，則係散發出陣陣霸道女總裁氣質，婀娜多姿嘅身材同樣展露無遐，整體將兩女嘅美貌相映生輝。
仲係第一次一齊做代言！
各具魅力！
相映生輝。
此外，難得同黃翠如一齊出Trip嘅YoYo，亦特地為好姊姊準備咗驚喜生日蛋糕慶祝，而黃翠如亦開心道：「跟這位美人兒，一起飛、一起工作、一起在廁所慶祝過了一點的生日，我愛你。你要更多一點愛自己。」多年嘅姊妹情深引嚟唔少粉絲羨慕之餘，姊妹團之一嘅連詩雅亦忍唔住問道：「點解咁慘要係廁所慶祝？」並揚言之後要再為黃翠如準備一次盛大嘅生日Party。
兩姊妹第一次一齊出Trip。
竟然喺廁所慶生。
