【On.cc】羅天宇被寸細膽！郭晉安識做「冧妻」撐陳曉華獻Sing藝人郭晉安、陳

【On.cc】羅天宇被寸細膽！郭晉安識做「冧妻」撐陳曉華獻Sing

藝人郭晉安、陳曉華（Hera）、羅子溢、羅蘭、陳星妤、郭柏妍（Rosita）、何廣沛、陳浚霆、羅天宇等，一眾《金式森林》演員今日（26日）齊齊以萬聖節裝扮現身大角咀出席宣傳活動，與小朋友玩遊戲派禮物，演員之間又大玩餵食及認人遊戲，熱鬧非凡，最後羅蘭帶領眾人叫口號，為萬聖節派對劃下完美句號。

郭晉安與Hera齊齊受訪，提到劇集的好成績，兩人皆表示有信心維持好收視，又指近日出街經常被途人叫劇中角色名「方仰天」、「林澄」，對角色能入屋感到開心，又透露即將播出許多精彩的劇情，如Hera被何依婷掌摑、羅蘭絕食抗議，陳星妤被打歪鼻等。提到日前Hera與何廣沛、陳浚霆、羅天宇、何依婷及莊子璇到主題樂園驚喜探班「嫲嫲」羅蘭，問到一家之主郭晉安為何未有出席，Hera就幫口解釋安仔當日有工作，故未能同行，又指一行人有去玩鬼屋，更大爆羅天宇是眾人中最細膽的，又透露當日扮嫲嫲大賽的贏家是何依婷，但因覺得影片拍得不太好而不會甫出。

問到Hera萬聖夜會否出街遊玩？她說：「唔會，個日仲有啲嘢安排緊，因為其實我想唱歌畀大家聽。（大家想唔想聽㗎？）唔想聽我都會逼你哋聽㗎啦，我到時會攞個喇叭喺你哋隔籬度播，我想錄音所以呢段時間我自己就練歌。（天宇啱啱玩遊戲話你破音喎？）佢詆毀我憎我。」安仔又幫口支持「嬌妻」：「我第1個畀個Like你。」當被記者笑問咁好人時，即搞笑道：「做人要識做，冇話好人。」提到Hera近日是否肥了，她則表示以為自己是瘦了，因為近幾星期都在減肥，問到她有否目標減去多少體重，她就指沒有，順其自然，滿意自己現在的身形，保持做運動和不要暴食就可以。

提到預告片上陳星妤被打歪鼻子的一幕，她受訪時表示冇想過會這樣呈現，但尚算可以接受，又預告之後有更樣衰的鏡頭，問到今次是否樣衰底線，她說：「又唔係喎，我有冇化妝上鏡。（冇化妝樣衰過歪鼻咁恐怖？）OK嘅，好少可以有咁樣嘅情節同鏡頭，所以都算是一次幾值得紀念的經歷，好似儲Profile咁。」又分享有觀眾以為她是真的被打歪鼻子，會戥她受傷心痛，但其實拍攝時完全沒有傷到。

問到Rosita接不接受到這樣醜化的鏡頭，她就大方表示無所謂，反而覺得幾得意，連自己觀看時也在思考是否真的打下去，但問到在被打歪鼻子及淋紅油的劇情中選擇，她即毫不猶豫表示：「淋紅油，打歪鼻我驚整唔番我原本個鼻咁。（特技化妝嚟）我知，有時候有啲人係有冇情力整到，好難預計。」又指如果有被打的劇情，希望是打在面珠墩上，笑言打到骨自己不懂如何去「維修」，而提到她在劇中淋紅油的戲份，她憶述已經忘記了重拍多少次，件衫由淋到濕到乾返之後再淋濕，套西裝甚至由白色淋到變粉紅色，又指雖然拍攝時是夏天，但一向怕凍的自己仍是淋到好凍，曾有淋紅油經驗的Rosita亦分享幸好今次是水，比起漿已經很好，笑言平時有廠內拍攝旁人都已經見怪不怪，但今次的外景拍攝則引起途人的奇怪目光。

郭晉安力撐陳曉華獻Sing。

果然識做！

陳曉華想唱歌畀大家聽。

羅子溢嚟啦！

陳星妤預告之後有更樣衰的鏡頭。

郭柏妍接受拍醜化鏡頭。

莊子璇現身。

羅天宇同何廣沛合照。

一齊以萬聖節裝扮現身。

嚟張大合照。

想點先！

係咪錫呀！