【On.cc】胡定欣終於嫁得出 印證Bob金牌媒人地位
藝人林盛斌（Bob）成功撮合視后胡定欣與外科醫生陳健華，一對新人今日（6日）主動報喜，再次印證Bob金牌媒人的地位！
Bob今午現身電視城出席無綫台慶節目《攻你上大學》錄影時受訪，開心表示：「我好開心，今朝一早收到定欣嘅短訊，佢同我講咗好多心底話話。（你都係今朝先知？）可能佢想保護私隱，不過呢段時間醫生好錫佢，佢亦都好投入呢段嘅關係，況且如果佢請我去婚禮，呢排我都周圍飛公幹，未必出席到。」
Bob還未知道一對新人返港後會否補擺喜宴：「如果係就唔好搵我做司儀，我要坐定定盡興。（飲新娘茶？）你都唔係話，當年朱慧敏出閣，我直程帶佢入場，真係好似似爸爸咁！」他又謙稱今次「配對成功」並非自己個人努力：「其實陳醫生係洪永城嘅朋友，只係中間我哋搞咗個小型派對，約咗佢哋出嚟食廚師發辦，咁都有『售後服務』嘅，我成日問住定欣發展成點，令佢覺得我好煩，哈哈！我想講佢哋都拍咗拖年幾兩年，絕對唔係閃婚，真係天作之合。（定欣有咗？）你要自己問佢先知，定欣有喜不得了！」
Bob坦言近年有不少歌手及演員朋友都有叫自己介紹認識「新朋友」：「當然唔係吓吓中，有啲可能拍咗拖一個月就分手，米高佐敦都唔係吓吓攞MVP啦。（《女神配對計劃2》呢？）真係有逾20個女藝人走埋嚟叫我幫手搞進組，話自己單身咗好耐，不過最快都可能要明年初先成事（投入拍攝），希望有啦，今次或者會搵啲成熟少少、40歲以上嘅參加者。其實我見到葉蒨文同曾展望佢哋近排咁多嘢做，搵到咁多，都戥佢哋開心。有人話我喺節目內發揮唔到作用，但其實我背後都同參加者做咗好多心理輔導㗎。」
Bob做金牌媒人又大成功！
佢自己都唔貪功！
但定欣嫁得出，佢有一定功勞。
