藝人袁偉豪（Ben）與林子善近日「兄弟合體」，齊齊現身佛山出席改裝車展，吸引大批粉絲圍觀，不少人趁機集郵及索取簽名，場面熱鬧。一向愛車如命的Ben今次更持意借出名下靚車，給改裝「穿上」卡通主題戰衣，於車展中亮相。色彩鮮明的卡通圖案包括繪上囝囝的奶樽，再結合經典跑車型號，形成強烈視覺反差，獲讚「新鮮搶眼」。
談到今次北上出席車展，Ben表示﹕「今次嘅改裝車展好有規模，有成5個展館，做完嘢我自己都有周圍行吓，同埋大會邀請咗一個日本女車手到場，佢爸爸都係賽車手嚟嘅，咁我哋都有交流吓，我就乘機打吓咭囉。」至於今次借出自己的愛車，Ben透露過程都有點複雜﹕「係主辦方幫我申請一次性進關嘅，跟住拖咗上去，依家活動完咗，遲啲就會安排拖返落嚟嘞。」
Ben又指其實與子善已有一段時間未有合作，但間中也會相約食飯及跑步，今次「合體」繼續默契相當。至於早前談到幕前工作減少，他則淡定回應：「積極面對，相信最好安排，可以轉向商演及綫上工作彌補空檔。」
