【On.cc】李佳芯預告定必出席《麻雀樂團》宣傳慶功 爆唱功升呢搣甩魔音
視后李佳芯、胡杏兒、沈月、王丹妮、倪晨曦及劉穎鏇等昨晚（1日）現身西九文化區出席時裝活動。早前到馬來西亞拍劇的李佳芯，表示前一天才回港，首次在當地拍劇的她形容是一次很好的經驗：「模式同TVB差唔多，不過班底唔同。」她笑指戲癮一直都有，若將來遇上合適的劇本會考慮再拍劇。
談到她在無綫的離巢作品《麻雀樂團》大受好評，但卻缺席劇集全部宣傳，甚至拍檔譚俊彥出面邀請仍沒有現身，她解釋《麻》劇播出期間，自己正身在馬來西亞拍劇，不能隨便離隊，一直有透過通訊群組了解宣傳進度，及看到演員放上群組的宣傳照片，她説：「監製喺套劇播之前兩個星期突然通知大家，時間上有啲突然，大家都好驚喜同開心。」她坦言若自己在港一定會參與宣傳，因演員都希望主演的劇集受觀眾歡迎，那是辛苦拍攝後最令人高興的回報，並表示若稍後有慶功宴一定會出席。
談到郭柏妍在宣傳活動中唱《小幸運》成功摵甩「魔音」之名，李佳芯笑指《小》是自己被封「魔音」的首本名曲，雖然未能欣賞郭柏妍版本，但相信對方一定唱得好過自己，自己亦一直有跟老師學唱歌，努力在歌藝上尋求進步，問將來會否找機會重唱此曲？她笑謂：「始終都要行出嚟完美演繹一次，咁先可以彌補『小幸運』變成嘅『小噩夢』，哈哈！其實有同老師講過想再挑戰唱《小幸運》，不過老師叫我慢慢嚟，練好基本功先，哈哈！」
至於有「最美星二代」之稱的沈月，上月剛踏入24歲生日，生日願望是希望家人身體健康、開開心心，問她願望會否包括找個男友？自稱單身的她自認向來鍾情靚仔，但因一直也未遇到，笑指已將要求降低：「以前想搵好似金城武、林志穎咁嘅靚仔，依家我覺得靚仔、順眼、孝順就得，哈哈！」她表示父母很愛她，沒有對她找男友設限制，只要找到個自己喜歡並愛錫自己的男生便可以。
談到她年多前開始秘密撰寫劇本，處女作近日終於完成，她表示想先賣關子，只透露是圍繞AI虛擬世界的科幻片，表示早前將劇本交予電影公司獲不少寶貴意見，現正埋首修改中，之後會找投資者投資開拍，問到會否考慮找爸爸沈嘉偉投資開拍？她笑指是一個好提議，相信爸爸絕不會「托手踩踭」。她坦言希望向幕後方面發展，但承認一直也有人希望找她演出幕前，問到妹妹會否考慮入行？她指妹妹一來正在求學，二來比較喜愛時尚方面，相信未必會入行。
同場的胡杏兒，被問到老公李乘德早前被爆背妻攬女，事後自封「擁抱者」回應事件並似乎絕迹夜場，不過近日再次被發現現身夜店一事，她對此回應説：「其實都係正常社交活動，因為佢太太係胡杏兒先會有人報道啫。（老公回歸夜場事前要唔要同你匯報？）唔使，大家一直清楚對方行蹤，亦清楚對方為人，認識佢嘅人同屋企人都知佢係乜嘢人，所以唔使再問我回應。（老公變乖咗，依家識得同女士們保持距離？）他一直都乖，男又會女又會對住婆婆都會擁抱，佢一向都會咁做，只不過大家選擇性報道出嚟，對我嚟講其實冇乜特別感覺，明明係光明正大嘅事，特登去改變先顯得自己有問題。」她叫大家毋須太過緊張，並指當晚自己本來也打算出席，但為了出席今次活動穿收身晚裝裙，故需要節食幾天及避免飲酒後會腫脹，才決定不跟隨老公出席該次活動。她笑指為了今次活動，早前跟家人到馬爾代夫旅行時也不敢大吃大喝，問到會否會於社交網貼水着派福利？她笑稱明天就貼，叫大家期待。另談到新一屆港姐出爐，胡杏兒大讚冠軍陳詠詩靚女、有學歷、體操又叻，她說：「點解可以咁犀利？若然有個咁樣嘅女，我一定開心死。（追返個女？）唔啦，萬一生出嚟又係仔點算？哈哈！」
談到她近年主力在內地發展，她透露正拍攝內地的一套民初劇《這一秒過火》，稍很亦有另一套古裝劇《尚公主》，但表示雖然忙，但一有空檔便會回港陪小朋友，故不時中港兩邊飛。至於角色方面，她坦言隨住年紀現時已不介意演一些成熟角色，提到早前有報道指她在訪問中表示不介意擔任女二或女三角色，她坦言那報道可能有些誤解：「其實個報道係講喺內地市場比較難啲去做最尾嗰個角色（女一），因為市場大嘛，同樣你都會同唔同新演員、導演合作，角色又比較唔同啲，最緊要係適合自己、自己鍾意，同唔使離開屋企太耐嘅，都係我嘅選擇。（都要做女主角？）唔一定，最緊要角色適合自己。（睇價錢？）都係其中一個因素，每個人都希望工作有合適唧回報，但唔仰唯一嘅條件，最緊要角色適合自己。」她又高興表示，跟張家輝合作的新劇《芻九之血》快將推出，這是張家輝相隔20年回歸劇集之作，問到是否因為張家輝才接拍港劇？她表示是其中一個原因：「咁啱天時地利自己有時間。（無綫高層樂易玲有冇搵你拍劇？）樂小姐都有搵我拍劇，但每次撞正夾唔啱時間，有好多原因，希望有機會，呢啲就係緣分。（有傳樂小姐出年退休？）希望有呢個緣分。」
Ali一返香港就有活動出。
狀態好好。
佢話一定會出席《麻》劇宣傳。
沈月自爆愛靚仔。
不過依家降低咗要求。
胡杏兒好靚。
大談老公蒲夜店。
劉穎鏇晒美背。
王丹妮好高貴。
