女神配對計劃｜葉蒨文曾展望碰鼻尖甜爆畫面率先睇 Sophie被GM調皮性格攻陷：搞到我變咗小女孩！
.
《女神配對計劃》今晚播出第八集，曾展望GM及葉蒨文Sophie今集繼續大派閃光彈！GM將再次獲得與Sophie玩親密互動遊戲機會，題目為「女神和男士需鼻尖碰鼻尖10秒，途中不能分開」，當Sophie知道要和GM有身體接觸後，即時震驚掩嘴，之後一面甜蜜的躲在李芷晴身後瘋狂甜笑，又怕醜地攬着她；加上向來口多多的GM，口花花說了一句：「可以改一改個秒，10日！」全場嘩聲四起。
就在Sophie滿面春風之際，GM Man爆拋出一句：「咁我過嚟喇。」二人鼻尖觸碰一刻開始後，Sophie全程表現超緊張，中途更一度笑住向後縮，「被拋棄」的GM則望住鏡頭傻笑，畫面既粉紅又Funny。之後在一片「未有十秒呀！未夠十秒呀！」的起哄聲下，Sophie與GM鼻尖再度「重逢」，可惜多番因Sophie太激動disconnect而要「重新再嚟」。
事後Sophie接受製作組訪問時，依然一臉冧樣，還大晒嬌俏樣隔空「問責」GM，又自認在GM面前做不了平時強勢的自己：「唔知點解GM嘅調皮，搞到好似我都變咗小女孩咁。」
不過GM本集依然未有佔盡上風，更會親眼目睹Sophie與後來居上的同組勁敵林堡熙Eddie大玩傳水杯互動，GM雖即場難掩失落樣，但仍全程強顏歡笑，事後更以層遞方法連講三次「幾呷醋」。
