冼靖峰否認LOONG 9名存實亡！ 《聲夢傳奇》歌手冼靖峰、黃洛妍與《中年好聲音》周吉佩、譚輝智等今日為無綫台慶表演進行綵排，他們會以不同語言版本獻唱經典金曲。冼靖峰預告男團LOONG 9會在台慶夜演出：「詳情未清楚，暫時未知有幾多成員參與，因為未開始排練。」 LOONG 9成團多時，但各人聚少離多，問到組合是否已名存實亡？冼靖峰說：「唔好咁講，其實我哋有聯絡同互相鼓勵。之前我返內地都想約大家食飯，可惜大家喺唔同城市，暫時知佢哋主力喺上海。」提到LOONG 9內地隊已推出團歌，但香港隊仍未有團歌，問冼靖峰會否覺得「大細超」？他說：「唔會，因為我哋係唔同嘅組合，有唔同嘅歌曲、舞蹈同功能。我哋嘅團歌都計劃緊，但未知係乜嘢形式。」
