《中年好聲音2》女將陳譽文（前名陳燕娜）、陳芊芸（前名陳蒨葶）、林思彤（前名林若盈）、王玥與陳俞霏昨日（3日）舉行記者會，宣布組成女團MISSY，成為首隊由《中年好聲音》出身的女團，同時宣布將於12月10日在麥花臣場館舉行「Raise Your Voice Concert」演唱會。屆時她們將以五種不同女性風格，呈現時下女性的百變形象，鼓勵大家勇敢追夢。 問到演唱會的準備情況？王玥笑言：「見佢哋多過屋企人！我哋五個都非常珍惜今次可以踏上舞台嘅機會，最近已經好努力排舞練歌，希望將自己最好一面呈現畀大家睇，報答大家一直以來嘅支持。」問到有何驚喜表演？陳芊芸故作神秘稱：「要吊大家癮，無論演唱會主題、歌單編排、舞台設計、造型、化妝，我哋都花盡心思，希望為樂迷帶來耳目一新嘅感覺。話唔定會有特別嘉賓，請大家多多支持。」
