麥杜基、馬田利尼、奧迪加特都有助攻，基約卡利斯、加比爾謝薩斯、蘇比文迪都有入波，阿仙奴好多進攻球員今場都有參與入波。
基約卡利斯聯賽有6球，係今季球隊英超首席射手；夏維斯事隔一年之後，第一次喺英超踢正選，上陣60分鐘；蘇比文迪今季有4個聯賽入波，兩球係頭槌。因為薩卡賽前熱身突然受傷，麥杜基臨危受命踢正選，反而取得今季聯賽第一個助攻，角球處理亦令到對手擺烏龍，而今季阿仙奴喺聯賽有5個對手擺烏龍嘅入球。
列斯聯領隊法克近期覺得巴西龍門佩利（Lucas Perri） 表現未如理想，連續三場聯賽用咗達路（Karl Darlow）把關，但係好難講究竟邊個水準更高。球隊喺半場變陣求變嘅心態係積極嘅，但係真正製造埋門嘅機會不多，全場只有三次攻門。
阿莫廉只嚐過一次三連勝，卡域克上任即獲三連勝，邊個帶隊造詣超群似乎又高下立見，當然目前定斷還係言之過早。卡些美路先打開紀錄再助攻昆夏擴大比數，原本以為富咸90分鐘追和攞番一分，不過薛斯高嘅反絕平入波就將全場賽事提升到最高點，曼聯再過兩關嘅話，「剪髮哥」就可以剪髮嘞…
車路士同韋斯咸嘅倫敦打比注定不平凡，尾聲更加以一張紅牌作結，整體而言作客嘅韋斯咸表現唔算差。
英超第24週賽事賽果-列斯聯0-4 阿仙奴白禮頓1-1 愛華頓狼隊0-2 般尼茅夫車路士3-2 韋斯咸利物浦4-1 紐卡素諾定咸森林1-1 水晶宮曼聯3-2 富咸阿士東維拉0-1 賓福特托定咸熱刺2-2 曼城辛德蘭🆚般尼（稍後時間進行）
epl 🏴
