【On.cc】台慶頒獎禮︱陳懿德男配首選投羅天宇 陳庭欣佛系拉票《萬千星輝頒獎典禮2025》將於明年1月4日在澳門舉行，入圍10強的「最佳男、女主持」候選人陳懿德（德德）、陳庭欣（Toby）、何沛珈、區永權、許文軒及鄭衍峰今日（22日）會見傳媒，德德表示會支持同節目的Toby及朱凱婷（Heidi），因為她們教了自己很多，又指入到圍已經覺得贏了，不過亦希望大家可以支持新一輩，笑言希望不想票數太差，Toby聞言笑說德德有雙倍票數，有埋另一個人的粉絲投票，德德亦調侃Toby有男友品牌的客戶支持。Toby坦言入到十強已經很開心，因為公司很多同事都有很強的主持能力，感恩有大家的支持，笑言到時無論哪一位同節目的主持得獎，全部人都會很開心，因為代表有慶功宴食，又指區永權若「冧莊」就要請食飯。德德就表示今年是很豐收的一年，有機會主持頒獎禮，又出Trip擔任司儀，希望新一年大家可以繼續見到她的努力，她又為Bob（林盛斌）拉票：「希望大家都投佢男主持，佢一路都好錫我。（咁男配角？）羅生囉，羅子溢，兩個羅都可以嘅。（第一票投畀邊個？）你都係想我講啫，投畀羅天宇。（仲投畀邊個？）陳浚霆，仲有丁子朗啵。（得三票）咁子溢投男主。（男配第一係天宇？）都可以嘅。」問到她們如何拉票，Toby就指自己是佛系拉票，甚麼都不做，只做好每次的主持工作，而德德就表示：「我覺得呢。（整雞蛋仔？）嘩，我唔識整。（你朋友識啊嘛，贊助你？）我都唔係幾好意思，如果有機會可以攞獎嘅話，考慮做呢個雞蛋仔代言人。」至於何沛珈就指會Repost粉絲的Story宣傳，之後亦都準備了一大堆靚相甫出來，又指就算拉票都是幫其他人拉，自己能入圍已經好開心，並透露三票分別會投給汪明荃、Toby及Heidi。去年獲頒「最佳男主持」的區永權笑言所有提名人最重要是想好得獎感言，笑言自己去年無想到，幸好最後講返句love you老婆，而許文軒早排同戴祖儀洗樓拉票，直言覺得競爭好大，又指以為自己年資深，但原來與其他人相比並不是，至於鄭衍鋒表示其他九位提名人都教過自己，因此覺得入到十強已經無憾，又笑言自己後生腳骨力好可以「陪跑」。問到他們支持哪一位，區永權就表示：「我想投畀阿Bob，其實坦白講成個List另外9個都識咗好多年，好多個都好勁，同埋好有友情分，我知阿Bob好想要呢個獎，因為個次做台慶，佢第一句同我講喂最佳男主持你勁啦，跟住下一句就，其實佢真係等到流晒口水，所以我哋話今年係你嘅啦。」而許文軒與鄭衍峰亦直言支持Bob，大讚《攻你上大學》同《女神配對計劃》都好受歡迎和有好反應。陳懿德講明男配首選會投畀羅天宇。 羅天宇力爭男配。一齊現身拉票！許文軒（左起）、區永權、鄭衍峰畀Like！區永權如果「冧莊」就要請食飯。何沛珈晒腿上陣。陳庭欣佛系拉票。
